"İran və İsrail arasında bundan sonra nələr baş verəcək?" - ŞƏRH

"İlk günlərdə İran və İsrail arasında müharibə olmayacağına dair fikirlər daha üstünlük təşkil edirdi. Amma indi görürük ki, gərginlik getdikcə artır və qarşıdurma şiddətlənir. Hər iki tərəf regionda təsir dairəsini genişləndirməyə çalışır. İranın nüvə proqramı isə İsrail üçün ciddi təhlükə yaradır. Digər tərəfdən, İsrail güclü hərbi potensialı ilə cavab verməkdədir"- bunu Sonxeber.az -a İran-İsrail qarşıdurmasını şərh edən politoloq Tural İsmayılov deyib:

"Bu qarşıdurma yalnız iki ölkə arasında qalmır, həmçinin regional oyunçular da prosesə cəlb olunur. Məsələn, ABŞ və bir sıra ərəb ölkələrinin mövqeləri vəziyyəti daha da mürəkkəbləşdirir. Kəşfiyyat əməliyyatları və zərbə riskləri hər an artmaqdadır. Bu, həmçinin sivil əhaliyə təhlükə deməkdir ki, narahatlıq artır.

Eyni zamanda, enerji və ticarət yollarında da təhlükəsizlik problemləri yarana bilər. Beynəlxalq təşkilatlar bu münaqişəni yumşaltmaq üçün aktiv rol oynamağa çalışır. Lakin tərəflər arasında kompromis hələ də çətin görünür. Regionda müharibənin yayılma ehtimalı artır və bu, həmçinin qonşu ölkələri də təsir edə bilər.
Gələcəkdə gərginliyin azalması üçün beynəlxalq dialoq və təzyiqlər vacibdir.

Əks halda, müharibə riski davam edəcək. Politoloq kimi düşünürəm ki, hazırda səbr və strateji planlaşdırma əsasdır. Sülhə nail olmaq üçün bütün tərəflərin maraqları nəzərə alınmalıdır. Regionda davamlı sabitlik isə yalnız qarşılıqlı anlaşma və əməkdaşlıqla mümkündür. Azərbaycanın rolu bu prosesdə həm təhlükəsizliyi təmin etmək, həm də dialoqa dəstək verməkdir".

Çiçək Sadatova

Telegramda izləyin