Tanınmış aktrisa cavanlaşdırıcı iynədən sonra öldü

Hindistanın məşhur 42 yaşlı kino ulduzu Şefali Carivala estetik prosedurdan sonra qəfil vəfat edib.

Sonxeber.az xəbər verir ki, aktrisa cavanlaşdırıcı inyeksiya qəbul etdikdən dərhal sonra halı pisləşib və o, ürək tutmasından həyatını itirib.

Araşdırma zamanı Carivalanın prosedur öncəsi oruc tutduğu məlum olub.

İynədən sonra aktrisanın qan təzyiqi qəfil enib, titrəmə və halsızlıq müşahidə olunub. Yaxınları onu dərhal Mumbaydakı özəl klinikaya çatdırıblar, lakin həkimlərin müdaxiləsi nəticə verməyib və aktrisanın ürəyi dayanıb.

Carivalanın evində aparılan axtarış zamanı vitamin kompleksləri, hormonal inyeksiyalar və mədə dərmanları daxil olmaqla bir sıra preparatlar aşkarlanıb.

Həkimlər ehtimal edir ki, uzunmüddətli ac qalma, stress və susuzluq fonunda orqanizm inyeksiyaya reaksiya verə bilməyib və bu, fəsadla nəticələnib.

Hadisə ilə bağlı məhkəmə-tibb ekspertizası aparılıb və aktrisanın bədənində zorakılıq əlamətləri aşkarlanmayıb.

42 yaşlı aktrisanın ölümü ilə bağlı araşdırmalar davam edir

Telegramda izləyin