Aldadıldığını öyrənən qadın əri tərəfindən siçan zəhəri ilə öldürüldü

Braziliyanın Ribeirao Preto şəhərində baş verən dəhşətli cinayətdə bodibildinq idmançısı Luiz Garnica (38) və anası Elizabete Arrabaça, Garnicanın həyat yoldaşı Larissa Rodriguesi siçan zəhəri ilə qəsdən öldürməkdə ittiham olunur.

Sonxeber.az xarici mediaya istinadən xəbər verir ki, ilkin məlumata görə, 37 yaşlı pilates təlimçisi Larissa ərinin onu aldatdığını öyrəndikdən sonra boşanmağa qərar verib. Amma bu qərarını reallaşdıra bilmədən dünyasını dəyişib. Polis onun zəhərləndiyini və bu hadisənin arxasında həm əri, həm də qayınanasının olduğunu açıqlayıb.

Araşdırmalara görə, qayınana Elizabete Larissaya evdə "chumbinho" adlı ölümcül siçan zəhəri verib. Bu maddə Braziliyada qanunsuz sayılır, lakin qara bazarda satılır.

Garnica isə guya evə qayıtdığında həyat yoldaşını huşsuz vəziyyətdə hamamda tapdığını deyib. Lakin polis onun bədəni sərtləşmiş vəziyyətdə olduğunu və Garnicanın sübutları gizlətməyə çalışdığını bildirib.

Cinayət gecəsi Garnica sevgilisi ilə kinoya gedib və gecəni onunla keçirib. Bu barədə sübutlar anonim bir şəxs tərəfindən polisə təqdim olunub və Garnica münasibətini etiraf edib. Bildirilib ki, Garnica təxminən 1,5 ildir başqa bir qadınla gizli münasibətdə imiş.

Larissanın ölümündən sonra Garnica sosial şəbəkədə duyğusal vida paylaşımı etsə də, bu da ictimai qəzəblə qarşılanıb.

Telegramda izləyin