Qohumunu avtomobillə vuraraq öldürdü

Samsunun İlkadım rayonunda yerləşən Atatürk Mədəniyyət Mərkəzinin (AKM) arxasında baş verən dəhşətli hadisə şəhəri sarsıdıb.

Sonxeber.az xəbər verir ki, dünən gecə birlikdə spirtli içki qəbul edən qohumlar arasında mübahisə düşüb. Mübahisə zamanı 32 yaşlı U.Y., avtomobillə 39 yaşlı Mehmet Kalaya çırpılıb və onun üzərindən keçib.

Ağır yaralanan Mehmet Kalay xəstəxanaya çatdırılsa da, həyatını xilas etmək mümkün olmayıb.

Hadisə ilə bağlı daha əvvəl 19 cinayət qeydiyyatı olan U.Y. ilə birlikdə olaya qarışdığı bildirilən M.Y. (35) və A.G. (48) polis tərəfindən saxlanılıb.

Cinayət Axtarış Şöbəsində dindirilmələri tamamlanan şübhəlilər bu gün Samsun Ədliyyəsinə göndəriliblər.

U.Y. məhkəməyə aparılarkən göz yaşları içində, "Bilərək etmədim, qarşıma çıxdı" deyə bildirib.

Telegramda izləyin