Qadın sevgilisi tərəfindən ikinci mərtəbədən atıldı – Vəziyyəti ağırdır

Türkiyənin Iğdır şəhərində əcnəbi uyruqlu bir qadın, sevgilisi ilə yaşadığı mübahisə zamanı yaşayış binasının ikinci mərtəbəsindən atılıb.

Sonxeber.az türk mediasına istinadənh xəbər verir ki, hadisə iyulun 13-də gecə saatlarında şəhərin Topçular məhəlləsində baş verib. Əldə edilən məlumata görə, mübahisə zamanı kişi, qadını binanın ikinci mərtəbəsində yerləşən pilləkən boşluğundan aşağı itələyib.

Təsadüf nəticəsində qadın birinci mərtəbədə ilişərək beton yerə düşməkdən xilas olub. Hadisə yerinə çağırılan təcili tibbi yardım əməkdaşları tərəfindən ilk müdaxilə göstərildikdən sonra qadın xəstəxanaya aparılıb. Həkimlər onun hər iki ayağında sınıq olduğunu və vəziyyətinin ciddi olaraq qaldığını bildiriblər.

Qadına zorakılıq tətbiq etdiyi iddia edilən şübhəli hadisədən sonra qaçaraq gizlənib. Onun şəxsiyyəti müəyyən edilib və polis əməkdaşları tərəfindən saxlanılması üçün genişmiqyaslı axtarış tədbirləri başladılıb.

Hadisə ilə bağlı istintaq davam edir.

Telegramda izləyin