Silahlı hücum nəticəsində ata həyatını itirdi, 3 qızı yaralandı

Türkiyənin Van şəhərinin İpekyolu rayonunda bir avtomobilə ov silahı ilə təşkil olunan hücum nəticəsində ata həyatını itirib, onun 3 qızı isə yaralanıb. Hadisəni törədən şəxslərin tutulması üçün araşdırmalara başlanılıb.

Sonxeber.az türk mediyasına istinadən xəbər verir ki, hadisə İpekyolu rayonunun Qala Yolu (Kale Yolu) ərazisində baş verib. Kimliyi hələlik müəyyən edilməmiş şəxs və ya şəxslər avtomobildə olan ata və onun qızlarına "Kalaşnikov" tipli avtomatla atəş açıblar.

Silahlı hücum nəticəsində ata və 3 qızı yaralanıb. Yaralılar təcili tibbi yardım maşınları ilə xəstəxanaya çatdırılıb. Həkimlərin bütün müdaxilələrinə baxmayaraq ata həyatını xilas etmək mümkün olmayıb. Qızların müalicəsi isə davam edir.

Hadisədən sonra əraziyə çox sayda polis əməkdaşı cəlb olunub.

Telegramda izləyin