Rəqiblərinə aman verməyən Neymar bu dəfə oğluna da rəhm etmədi - VİDEO

Braziliyanın Serie A təmsilçisi Santos FK-nın formasını geyinən dünya şöhrətli futbolçu Neymar, bu dəfə rəqiblərinə yox, öz oğluna qarşı meydanda əsl mübarizə sərgilədi.

Sonxeber.az xəbər verir ki, Neymar, klubunun məşq bazasında oğlu Davi Lucca ilə birlikdə futbol oynayarkən görüntüləndi.

Braziliyalı ulduzun bu qeyri-rəsmi məşq zamanı göstərdiyi rəqabət ruhu diqqətdən yayınmadı. Oğluna qarşı bir neçə uğurlu çalım edən Neymar, kameralar qarşısında sevincini gizlətmədi.

Ata-oğulun birlikdə keçirdiyi bu məşq əyləncəli anlarla yadda qaldı. Sosial şəbəkələrdə geniş şəkildə paylaşılan görüntülər azarkeşlər tərəfindən böyük maraqla qarşılandı.

Neymarın istedadı və texniki bacarığı bir daha təriflənərək, onun meydandakı üstünlüyü sosial mediada alqışlandı.

Telegramda izləyin