Dilənçinin xırdalatmaq istədiyi məbləğ sahibkarı heyrətləndirdi - VİDEO

Sivasta dilənərək pul toplayan bir qadın, topladığı 230 manatı (təxminən 4000 TL) xırdalatmaq üçün 30 illik sahibkar Hamdi İrfan Işının iş yerinə gəlib.

Sonxeber.az xəbər verir ki, çantasından çıxardığı pulları masaya qoyaraq xırdalatmağı istəyən qadın, həm sahibkarı, həm də müştəriləri təəccübləndirib.

Sahibkar Hamdi İrfan Işın hadisə ilə bağlı bunları deyib:

"30 ildir ticarətlə məşğulam, ilk dəfə belə bir hadisə ilə qarşılaşıram. Gün ərzində biz bu qədər – 230 manat qazana bilmirik. Qadın uşağı ilə gəldi, əvvəlcə nə istədiyini başa düşmədik. Sonra çantasındakı pulları masama tökərək dedi ki, bunları xırdalatmaq istəyirəm. Ətrafda olan müştərilər də gördülər və hamı şoka düşdü".

Hadisə iş yerinin təhlükəsizlik kameralarına da düşüb. Sahibkar əlavə edib ki, bu qədər vəsaitin dilənçilik yolu ilə əldə olunması onu düşündürüb:

"Bu qazanc əməksiz qazancdır, amma necə mümkün olduğunu başa düşmək olmur".

Telegramda izləyin