Kargo əməkdaşı 24 yaşlı gənc qadına həyatının şokunu yaşatdı - VİDEO

İstanbulun Esenyurt rayonunda lüks yaşayış kompleksində baş verən hadisə həm təhlükəsizlik sistemlərindəki boşluqları, həm də fərdi təhlükəsizliklə bağlı narahatlıqları yenidən gündəmə gətirib.

Sonxeber.az xəbər verir ki, 24 yaşlı gənc qadın, bir kargo əməkdaşının onu təcavüzə məruz qoyduğunu bildirərək polisə şikayət edib.

Hadisə binada quraşdırılmış təhlükəsizlik kameraları vasitəsilə qeydə alınıb. Əldə edilən məlumata görə, kargo əməkdaşı sifariş təhvil vermək bəhanəsilə yaşayış kompleksinə daxil olub. Gənc qadın, qucağında iti ilə birlikdə 7-ci mərtəbədə yerləşən mənzilinə çıxmaq üçün liftə minib. Qaydalara əsasən, kargo əməkdaşının -3-cü mərtəbəyə enməsi lazım olduğu halda, o, qadını izləyərək 7-ci mərtəbədə liftə minib və birlikdə yuxarı qalxıb.

Qadın liftin qapısından çıxaraq arxasını çevirdiyi anda, əməkdaş ona fiziki şəkildə təcavüz edib. Lakin hadisə bununla bitməyib. Təcavüzkar qadını mənzilinin qapısına qədər izləyib və dəhlizdə də həm sözlü, həm də fiziki təcavüzə cəhd edib. Qadının kömək üçün qışqırığını eşidən qonşular hadisəyə müdaxilə etdikdən sonra şübhəli şəxs hadisə yerindən qaçıb.

Hadisə ilə bağlı hüquq-mühafizə orqanlarına müraciət olunub, şübhəlinin tapılması üçün araşdırmalar davam etdirilir.

Telegramda izləyin