Kəklikotu SATIŞDAN ÇIXARILDI

Fransada fəaliyyət göstərən məşhur Carrefour marketlər şəbəkəsinin satışa təqdim etdiyi kəklikotu məhsulunda insan sağlamlığına təhlükə yarada biləcək pestisid qalıqları aşkarlanıb. Nəticədə məhsul dərhal satışdan yığışdırılıb və istehlakçılara geri qaytarılması üçün çağırış edilib.

News24.az xəbər verir ki, Fransız Ərzaq Təhlükəsizliyi portalı RappelConso-nun rəsmi açıqlamasında bildirilib ki, "Carrefour Classic Kekik – 18 qram" məhsulunda müəyyən edilmiş pestisid miqdarı normadan artıqdır və insan sağlamlığı üçün zərərli ola bilər.

Geri çağırılma ilə bağlı detallar

Satışdan yığışdırılan məhsulun GTIN nömrəsi 3560070972108, partiya nömrəsi 250920707, son istifadə tarixi isə 27 fevral 2026-dır. Geri çağırılma prosesi 12 iyul 2025 tarixindən etibarən başlanıb.

Məhsulu istifadə etməyən istehlakçılara məhsulu geri qaytarmaq, istifadə etmiş şəxslərə isə hər hansı simptom hiss etdikləri təqdirdə həkimə müraciət etmək tövsiyə olunur. Carrefour mağazaları məhsulu qaytaranlara pul iadesi edir.

Təhlükə yalnız Fransa ilə məhdudlaşmır

Carrefour markası Türkiyə də daxil olmaqla bir çox ölkədə fəaliyyət göstərdiyi üçün mütəxəssislər oxşar məhsulların digər bazarlarda da ola biləcəyinə diqqət çəkir. Bu səbəbdən istehlakçılara məhsul etiketlərini diqqətlə yoxlamaq və şübhəli hallarda məhsulu istifadə etməmək tövsiyə olunur.

Uzmanlara görə, bu cür hallar yalnız yerli bazarlarda deyil, qlobal ərzaq təhlükəsizliyi sahəsində də ciddi nəticələr doğura bilər.

Telegramda izləyin