Sosial media paylaşımlarına görə işdən çıxarılan müəllim: "Dolana bilmədiyim üçün bunu etdim"

Sosial media paylaşımları səbəbilə çalışdığı özəl məktəbdən işdən çıxarılan bir müəllim, yaşadığı çətinlikləri göz yaşları içində paylaşaraq ictimaiyyətin gündəminə çevrilib.

Sonxeber.az türk mediasına istinadən xəbər verir ki, maddi sıxıntılar səbəbilə əlavə gəlir əldə etmək üçün internetdə məzmunlar hazırladığını deyən müəllim, işdən çıxarılma prosesində ona qarşı edilən haqsızlıqlardan danışıb.

Duyğusal videosunda müəllim bunları deyib:

"Mən dolana bilmədiyim üçün bunu etdim. Gecə yarısına qədər oturub məzmun hazırladım ki, əlavə qazancım olsun. Heç kimə zərər vermədim. Amma yalnız sosial media paylaşımlarım üzündən işimdən oldum."

O, həmçinin işsizlik müavinəti ala bilmək üçün məktəb rəhbərliyindən rəsmi şəkildə çıxış sənədi istədiyini, lakin bu istəyinin də rədd edildiyini bildirib:
"İşsizlik maaşı ala bilim deyə dedim ki, çıxışımı siz verin. Ona belə ‘yox’ dedilər. Sözün əsl mənasında ortada qaldım."

Sosial mediada sürətlə yayılan video minlərlə istifadəçidən dəstək mesajları alıb. Hadisə, özəl sektorda çalışan müəllimlərin qarşılaşdığı maddi sıxıntıları və iş təminatı problemini yenidən gündəmə gətirib.

Telegramda izləyin