Bu qidalar sizdə xroniki xəstəliklər riskini artıra bilər

Pis yemək vərdişləri, xüsusilə də yağlı qidalar xroniki xəstəliklərin riskini artırır.

Sonxeber.az Gazeta.ru-ya istinadən xəbər verir ki, bunu mətbuata qastroenteroloq və terapevt Şota Kalandia deyib.

Həkim qeyd edib ki, düzgün qidalanmamaq həzm sistemində ciddi problemlərə səbəb ola bilər:

"Yağlı qidalarda xüsusən də doymuş yağlar və trans yağları olan qidaların həzmi çətindir və bağırsaqda iltihaba səbəb ola bilər. Bu cür məhsullar həzm sistemində əlavə stres yaradır və xroniki xəstəliklərin riskini artırır".

Şota Kalandia şəkər və karbohidratların istehlakını azaltmağı da tövsiyə edib:

"Belə ki bu qidalar patogen bakteriyaların inkişafı üçün rahat mühit yaradır. Mütəxəssis təkcə həzm sisteminin deyil, bütövlükdə bütün orqanizmin sağlamlığını qorumaq üçün balanslaşdırılmış pəhriz məsləhət görür".

Telegramda izləyin