Samsunda qeyri-adi hadisə: polisə tabe olmayan şəxs dənizə tullandı

Samsunun Atakum rayonunda bir nəfərin törətdiyi hadisə maraqlı anlara səbəb olub.

Sonxeber.az türk mediasına istinadən xəbər verir ki, Yenimahalle məhəlləsində baş verən hadisədə vətəndaşların məlumatı əsasında əraziyə gələn polis əməkdaşlarından qaçmağa çalışan şəxs dənizə atlayaraq bir müddət açıq suda gözləyib.

Polis əməkdaşlarının uzun müddət etdiyi çağırışlara baxmayaraq, şəxs sudan çıxmaqdan imtina edib. Təxminən bir müddət sonra yorulan şəxs öz istəyi ilə sahilə çıxaraq polisə təslim olub.

Hadisə ərazidəki vətəndaşlar tərəfindən mobil telefon kamerasına çəkilib. Görüntülərdə şəxsin dənizdə gözlədiyi və daha sonra təslim olduğu anlar əks olunub.

Telegramda izləyin