Yeni evlənən cütlük internet alış-verişində aldandı – Sifariş etdikləri çılçıraq kağızdan çıxdı

Yeni evlənmiş bir cütlük, internet vasitəsilə salonları üçün 3 min TL-ə aldıqları çılçıraq gələndə böyük bir şok yaşayıb.

Sonxeber.az türk mediasına istinadən xəbər verir ki, gözlədikləri keyfiyyətli məhsul əvəzinə sadəcə kağızdan hazırlanmış bir çırçıraqla qarşılaşan cütlük, yaşadıqları məyusluğu mobil telefonla çəkdikləri videoda bölüşüb.

Videoda cütlük belə danışır:

"Salonumuz üçün bu çılçırağı almaq istədik, sifariş verdik. İndi gəldi və baxın, bildiyiniz kağız. Yüz faiz əl işidir deyə satırlar. Belə bir absurd şey yoxdur. 4 dənə kağıza 3 min lira pul verdim. And içirəm, fotoda o qədər gözəl görünürdü ki, dedim ki, salonuma çox yaraşacaq. İndi buna necə forma verəcəyimizi belə bilmirik. Həm də çox tanınmış bir markadır, demək olar ki, hər kəsin evində var. Mən də dedim ki, niyə mən almıram? Kaş ki, almasaydım. İndi onsuz da geri qaytaracağam. Sosial mediada görüb aldığım və ən çox yanıldığım alış-veriş bu oldu."

Cütlüyün paylaşdığı görüntülər qısa müddətdə sosial şəbəkələrdə geniş müzakirəyə səbəb olub. İstifadəçilər onlayn alış-verişdə diqqətli olmaq və məhsulları sifariş etməzdən öncə müştəri rəylərini araşdırmaq barədə xəbərdarlıq ediblər.

Telegramda izləyin