Doğuma gələn qadın polis çağıraraq ərini xəstəxanədən çıxartdırdı

Aydın şəhərində gecə yarısı baş verən maraqlı hadisə hər kəsi təəccübləndirib.

Sonxeber.az türk mediasına istinadən xəbər verir ki, doğum etmək üçün Aydın Qadın Xəstəlikləri və Doğum Xəstəxanasına gələn bir qadın, ərinin onun yanında qalmasını istəmədiyini bildirərək, xəstəxana mühafizəsindən onu çıxartmağı tələb edib.

Məlumata görə, xəstəxana mühafizəçiləri ərini binadan çıxarmağa çalışsa da, kişi etiraz edərək həyat yoldaşının yanında qalmaq istədiyini bildirib. Bundan sonra hadisəyə xəstəxana polisi müdaxilə edib. Qadının tələbi əsasında 112 Komanda Mərkəzinin göstərişi ilə əraziyə cəlb olunan polis qrupları, kişini yalnız xəstəxanədən deyil, xəstəxana ətrafından da uzaqlaşdırıblar.

Hadisənin qadının müdafiəsi və qadın hüquqları çərçivəsində həyata keçirildiyi bildirilib. Məlum olub ki, doğuma gələn qadın əvvəlcə qadın sığınma evində yerləşdirilibmiş.

Telegramda izləyin