Meşə yanğınını çay içərək izlədilər - VİDEO

Karabükün mərkəzinə bağlı Arıcak kəndi ərazisindəki meşəlik sahədə əvvəlki gün nəzarət altına alınan yanğın yenidən başlayıb.

Sonxeber.az türk mediasına istinadən xəbər verir ki, yanğının yenidən alovlanması ilə əraziyə yanğınsöndürən briqadalar və meşə təsərrüfatına məxsus yanğınsöndürmə maşınları göndərilib. Hündür və maili ərazidə təsirli olan alovları söndürmək üçün havadan və qurudan müdaxilə fasiləsiz davam etdirilir.

Küləyin təsiri ilə alovlar Karabük–Zonguldak avtomobil yolu üzərində yerləşən Yeşilköy-ə qədər yayılıb. Təhlükəsizlik məqsədilə kənd boşaldılıb. Gecə saatlarında alovların ətrafa yayıldığı anda, bəzi sakinlərin kamp stullarında oturaraq çay içib yanğını izləməsi diqqət çəkib.

Rəsmilər vətəndaşları yanğın bölgəsinə yaxınlaşmamaları və söndürmə işlərinə mane olmamaları barədə xəbərdar ediblər.

Telegramda izləyin