Sosial şəbəkə detoksu – 7 gündə həyatın necə dəyişir?

Son illərdə "detoks" anlayışı yalnız qidalanma ilə məhdudlaşmır. Artıq bir çox insan sosial şəbəkələrdən müəyyən müddətlik uzaq qalaraq "rəqəmsal detoks" tətbiq edir. Mütəxəssislər bildirir ki, bu, psixoloji sağlamlıq və həyat keyfiyyəti üçün gözləniləndən daha böyük təsir yaradır.

BAKU.WS xəbər verir ki, psixoloqların araşdırmalarına görə, sosial mediadan cəmi 7 gün fasilə vermək insanın psixoloji və emosional durumunda nəzərəçarpacaq müsbət dəyişikliklərə səbəb olur. İştirakçılar üzərində aparılan testlər göstərib ki, belə bir fasilə stress səviyyəsini 30 faiz azaldır, yuxu keyfiyyətini yaxşılaşdırır və real ünsiyyət bacarıqlarını gücləndirir.

Araşdırma nəticələrinə əsasən, sosial şəbəkələrdən uzaqlaşan insanlar daha çox kitab oxumağa, açıq havada vaxt keçirməyə və yaradıcılıq fəaliyyətlərinə yönəlir. Bu da həm beyin fəaliyyətini aktiv saxlayır, həm də emosional tarazlığı bərpa edir.

Mütəxəssislər qeyd edir ki, qısa müddətli belə "rəqəmsal tətil" beyin fəaliyyətini, yaddaşı və diqqət toplama qabiliyyətini bərpa etmək üçün kifayətdir. Psixoloqların tövsiyəsi isə sosial şəbəkə istifadəsinə gündəlik limit qoymaq və ayda ən azı bir dəfə 3-7 günlük fasilə verməkdir.

Telegramda izləyin