Səssiz təhlükə: Şiddətli sinə və bel ağrısı, nəfəs darlığına səbəb nədir?

Aort anevrizması - ürəkdən çıxan əsas damar olan aortanın diametrinin iki dəfə böyüyərək normal ölçüdən artıq genişlənməsi - erkən mərhələlərdə çox vaxt simptom vermədiyi üçün "səssiz təhlükə" kimi qiymətləndirilir.

Sonxeber.az xəbər verir ki, ürək-damar cərrahı, professor Öndər Teskinin sözlərinə görə, bu vəziyyət damar divarını zəiflədərək yırtılma riskini artırır və vaxtında diaqnoz həyati əhəmiyyət daşıyır.

Xəstəliyin ilk vaxtlarında əlamət verməməsinə baxmayaraq, bəzi hallarda kəskin döş və ya kürək ağrısı, nəfəs darlığı və udma çətinliyi kimi şikayətlər ortaya çıxa bilər. Bu əlamətlər yarandıqda təcili tibbi müdaxilə tələb olunur.

Müalicədə cərrahi təmir və endovaskulyar üsullar ən çox tətbiq edilən variantlardır. Seçim, xəstənin vəziyyətinə görə müəyyən edilir. Mütəxəssis, müntəzəm həkim nəzarətinin və risk faktorlarının idarə olunmasının müalicənin uğur şansını artırdığını vurğulayıb.

Telegramda izləyin