Avtobus sürücüsünün iş vaxtı telefonda baxdığı film narazılıq doğurdu - VİDEO

İstanbulda bir marşrut sürücüsünün hərəkətdə olarkən sükan arxasında pornoqrafik məzmunlu film izləməsinin ictimailəşməsi böyük reaksiyalara səbəb olub.

Sonxeber.az türk mediasına istinadən xəbər verir ki, bu hadisənin səs-küyü hələ səngiməmişkən, oxşar qalmaqal bu dəfə Bursada yaşanıb.

Bursa şəhərdaxili marşrutlarında hərəkət edən xüsusi sərnişin avtobusunun sürücüsü, idarəetmə zamanı mobil telefonunda pornoqrafik film izləyib. Hadisəyə şahid olan qadın sərnişin, sürücünün bu hərəkətinə etiraz edib. Sərnişin, bu davranışın qəbuledilməz olduğunu bildirib və onu aidiyyəti qurumlara şikayət edəcəyini deyib.

Qadının xəbərdarlığına sürücü yalnız "Üzr istəyirəm" cavabını verib. Etiraza baxmayaraq avtobus sürməyə davam edən sürücünün bu münasibəti, ictimai qınağı daha da artırıb.

Hadisə, qadın sərnişin tərəfindən çəkilən görüntülərlə qısa müddətdə sosial şəbəkələrdə yayılaraq gündəm olub. Vətəndaşlar, sükan arxasında belə davranışların həm yol hərəkəti təhlükəsizliyini, həm də ictimai əxlaqı pozduğunu bildirərək sürücüyə sərt reaksiya göstəriblər.

Telegramda izləyin