Polis küçə itini güllələyərək öldürüb

Ankaranın Mamak rayonunda polis əməkdaşı, ona hücum etdiyini iddia etdiyi küçə itini tapança ilə vuraraq öldürüb.

Sonxeber.az türk mediasına istinadən xəbər verir ki, hadisə Kutlu məhəlləsinin 454-cü küçəsində dünən saat 18:00 radələrində baş verib.

Məlumata görə, evindən çıxaraq açıq avtodayanacaqda yerləşən maşınına doğru gedən polis əməkdaşı, avtomobillərin arasından çıxan küçə itlərinin üstünə gəldiyini iddia edib və silahını çıxararaq atəş açıb. Güllə dəyən itlərdən biri ölüb, digərləri isə qaçıb. Hadisə yerinə gələn polis qrupları ərazidə araşdırma aparıb. Heyvansevərlər isə olaya etiraz ediblər.

İfadəsində polis, dayanacaqdakı maşınına gedərkən dörd itin hürərək üstünə gəldiyini, panikaya düşərək qorxutmaq məqsədilə nişan almadan bir dəfə atəş açdığını bildirib.

Hadisə şahidlərindən Şerifə Yılmaz isə balkonunda oturduğu vaxt əvvəlcə itlərin hürməsini, sonra ardıcıl silah səslərini eşitdiyini deyib:
"Köpeklerin önce havlama seslerini duydum, birine saldırma gibi. Ondan sonra arka arkaya silah sesi duydum. Ondan sonra köpeğin acı acı bağırmasını duydum. Ondan sonra köpeklerin oradan çıkıp arka arkaya çıktıklarını gördüm" – deyə bildirib.

Hadisə ilə bağlı istintaq davam etdirilir.

Telegramda izləyin