Sevgili olan oğlan və qız evdə ölü tapıldı

Türkiyənin Muğla vilayətinin Bodrum rayonunda 31 yaşlı Berk Köse və 28 yaşlı sevgilisi Ezgi El evdə başından silahla vurulmuş halda ölü tapılıb.

Sonxeber.az türk mediasına istinadən xəbər verir ki, hadisə Yahşi məhəlləsi, Hürriyyət küçəsində yerləşən bir yaşayış kompleksində baş verib. Berk Köse ilə əlaqə saxlaya bilməyən yaxınları onun yaşadığı evə gedib. Qapını açan yaxınları, Köse və sevgilisi olduğu öyrənilən Ezgi El-i qan içində, hərəkətsiz halda yerə yıxılmış vəziyyətdə tapıb.

112 Təcili Çağrı Mərkəzinə edilən müraciətdən sonra əraziyə təcili tibbi yardım və polis əməkdaşları göndərilib. İlkin araşdırmada hər iki şəxsin tapança ilə başından vurularaq öldürüldüyü müəyyən edilib.

Prokuror və polis qruplarının hadisə yerindəki araşdırmalarının ardından meyitlər incələnmə üçün Muğla Ədli Tibb Qurumu morquna aparılıb.

Telegramda izləyin