Məşhur fenomen 10 gündür davam edən canlı yayım marafonu zamanı vəfat etdi - VİDEO

"Jean Pormanove" adı ilə tanınan məşhur fenomen Raphaël Graven, 10 gün davam edən canlı yayım marafonu zamanı həyatını itirib.

Sonxeber.az türk mediasına istinadən xəbər verir ki, o, Fransa-nın Nitsa şəhəri yaxınlığındakı Contes bölgəsində yerləşən bir evdə yuxuda olarkən vəfat edib. Hadisə minlərlə izləyici tərəfindən canlı yayımdan izlənilib.

Məlumata görə, əvvəlcə dostu ona uzaqdan plastik butulka atıb, daha sonra yanına yaxınlaşaraq yoxladığında acı həqiqətlə üzləşib. Bundan dərhal sonra canlı yayım qəfil dayandırılıb.

Nitsa prokurorluğu ölüm səbəbini müəyyənləşdirmək üçün araşdırma başladıb və meyitin otopsiyaya göndərildiyini açıqlayıb. Rəsmi mənbələr indiyədək şübhəli bir vəziyyətin aşkarlanmadığını bildiriblər.

Qravənin daha əvvəl iştirak etdiyi yayımlarda zorakılığa məruz qaldığı görüntülər də müzakirələrə səbəb olmuşdu. "Le Parisien"in məlumatına görə, o, müxtəlif yayımlar zamanı döyülüb, boğulub və paintball silahı ilə vurulub. Bu görüntülər sosial mediada paylaşılmışdı.

Fransanın Rəqəmsal Keçidlər naziri Clara Chappaz hadisəni "tam bir dəhşət" adlandırıb. Nazir, onlayn platformaların qanunsuz məzmunların yayılmasının qarşısını almaq öhdəliyinə diqqət çəkərək, "Bu cür uğursuzluğun heç bir yerdə yeri yoxdur" deyə bildirib.

Telegramda izləyin