4 yaşlı qız hovuzda boğularaq həyatını itirdi

Bursanın İnegöl rayonunda yerləşən özəl kreşdə faciəvi hadisə baş verib.

Sonxeber.az türk mediasına istinadən xəbər verir ki, hovuz tədbiri zamanı havale keçirən 4 yaşlı Berra Dizi, boğulma təhlükəsi yaşadıqdan sonra xəstəxanaya yerləşdirilmişdi. Kiçik qız, 7 gün davam edən müalicəyə baxmayaraq həyatını xilas etmək mümkün olmayıb.

Hadisə avqustun 12-si, saat 14:00 radələrində Süleymaniyyə məhəlləsində fəaliyyət göstərən özəl kreşdə qeydə alınıb. İddialara görə, hovuz tədbiri çərçivəsində suya girən Berra qəfil havale keçirib. O, suda fenalaşdıqdan sonra müəllimləri tərəfindən dərhal çıxarılıb.

Əraziyə çağırılan təcili tibbi yardım briqadası ilkin müdaxiləni həyata keçirərək uşağı İnegöl Dövlət Xəstəxanasına aparıb. Daha sonra solunum problemi səbəbindən o, Bursa Yüksək İxtisas Tədris və Tədqiqat Xəstəxanasının reanimasiya şöbəsinə köçürülüb.

Həkimlərin bütün səylərinə baxmayaraq, intensiv terapiya altında müalicə olunan Berra Dizi 7 gün sonra dünyasını dəyişib.

Telegramda izləyin