Bir gündə 3 qadının öldüyü kənddə sirr pərdəsi aralandı

Türkiyənin Mardin şəhərinin Artuklu rayonunda bir gündə üç qadının meyiti tapılıb.

Sonxeber.az türk mediasına istinadən xəbər verir ki, Saraçoğlu məhəlləsində yaşayan bacılar – Leyla Işıktaş (60) və Muatter Işıktaş (65) yaxınlarının xəbər ala bilməməsi səbəbilə axtarışa verilib. Polis əməkdaşlarının daxil olduğu evdə hər iki bacının həyatını itirdiyi müəyyən edilib. Araşdırmada onların təxminən 10 gün əvvəl vəfat etdiyi məlum olub.

Məlumata görə, Muatter Işıktaş psixoloji müalicə alırdı və yüksək təzyiq xəstəsi idi. Bacısı Leyla Işıktaş isə ürək xəstəliyindən əziyyət çəkirdi.

Bundan bir neçə saat sonra isə Artukluya bağlı Yalım məhəlləsində yaşayan 60 yaşlı Cemile Arslanhan evində ölü tapılıb. Aparılan ilkin araşdırmada onun ürək tutmasından dünyasını dəyişdiyi bildirilib.

Qadınların hər üçündə zorakılıq və ya kəsici alət izlərinə rastlanmayıb. Onların dəqiq ölüm səbəbi aparılacaq otopsiyaların ardından müəyyənləşəcək.

Telegramda izləyin