Kuryer narkotiki görün hansı üsulla daşıdı - VİDEO

Karsda iranlı kuryenin bədənində 203 qram metamfetamin aşkarlandı

Kars şəhərində narkotik əməliyyatı zamanı iki iranlı kuryer saxlanılıb.

Sonxeber.az türk mediasına istinadən xəbər verir ki, İl Polis İdarəsinin Narkotiklərlə Mübarizə Şöbəsi əməkdaşları şəhərdə narkotik alveri ediləcəyi barədə məlumat əldə edib. Aparılan istintaq və izləmə nəticəsində, İran vətəndaşları – 42 yaşlı Cəfər Ayrem və 34 yaşlı Amır Rəfiei Shekarbağani adlı kuryelərin avtobusla Karsa narkotik gətirəcəyi müəyyən olunub.

Narkotik qrupları dərhal hərəkətə keçərək Iğdır–Kars marşrutu ilə hərəkət edən sərnişin avtobusunu izləyib. Əvvəlcədən təyin olunan nöqtədə keçirilən əməliyyat zamanı kuryerlər saxlanılıb.

Şübhəlilərdən Shekarbağani şübhəli vəziyyəti səbəbilə Kars Harakani Dövlət Xəstəxanasına aparılıb. Burada aparılan MRT və rentgen müayinəsində onun düz bağırsağında yad cisim aşkar edilib. Cərrahi müdaxilə nəticəsində 7 parça halında 203,02 qram metamfetamin çıxarılıb.

Polis bölməsindəki ifadələrindən sonra hər iki şəxs "narkotik və ya psixotrop maddə ticarəti" ittihamı ilə məhkəməyə çıxarılıb. Hakimiyyətin qərarı ilə onlar həbs edilərək cəzaçəkmə müəssisəsinə göndərilib.

Telegramda izləyin