"Qarabağ"ın ÇL-dəki rəqibləri müəyyənləşdi - "Çelsi", "Liverpul", "Ayaks"...
Bu gün UEFA Çempionlar Liqasının Liqa mərhələsinin püşkatma mərasimi keçirilir.
"Qafqazinfo" xəbər verir ki, Monakoda təşkil olunan və Bakı vaxtı ilə saat 20:00-da start götürən püşkatma mərasimində Azərbaycanı yarışda təmsil edəcək "Qarabağ"ın da 8 rəqibi müəyyənləşəcək.
Ağdam təmsilçisi oyunlardan 4-nü evdə, 4-nü səfərdə keçirəcək. Mərasimdə "Qarabağ"ı klubun vitse-prezidenti Fevzihan Aras, Baş direktor və idarə heyətinin üzvü Emrah Çelikel, digər üzv Asif Əsgərov, Əməliyyatlar departamenti rəhbəri Fərid Ağayev, Komunikasiya departmentinin rəhbəri Anar Hacıyev təmsil edir.
Püşkatmada 36 komanda 4 səbətə bölünəcək. "Qarabağ" reytinqi daha az olan komandaların yer aldığı 4-cü səbətdədir.
Püşkatma zamanı əvvəlcə 1-ci səbətdən bir top çıxarılacaq. Daha sonra ötən il də istifadə olunmuş avtomatlaşdırılmış proqram həmin klub üçün təsadüfi qaydada səkkiz rəqib seçəcək. Eyni prosedur bütün komandalar üçün təkrarlanacaq və nəticədə bütün cütlüklər müəyyən ediləcək.
Hər səbətdən iki komanda digər səbətlərdəki komandaya rəqib olacaq. Hər səbətdən rəqib olan iki komanda ilə oyunlardan biri evdə, digəri səfərdə keçiriləcək. Bir assosiasiyadan maksimum iki rəqib ola bilər.
Liqa mərhələsində eyni assosiasiyadan olan komandalar isə bir-birilə qarşılaşa bilməz.
Səbətlərin tərkibi
1-ci səbət
PSJ (Fransa)
Real Madrid (İspaniya)
Mançester Siti (İngiltərə)
Bavariya (Almaniya)
Liverpul (İngiltərə)
İnter (İtaliya)
Çelsi (İngiltərə)
Borussiya Dortmund (Almaniya)
Barselona (İspaniya)
2-c səbət
Arsenal (İngiltərə)
Bayer Leverkuzen (Almaniya)
Atletiko Madrid (İspaniya)
Benfika (Portuqaliya)
Atalanta (İtaliya)
Villarreal (İspaniya)
Yuventus (İtaliya)
Ayntraxt Frankfurt (Almaniya)
Brügge (Belçika)
3-cü səbət
Tottenhem (İngiltərə)
PSV (Niderland)
Ayaks (Niderland)
Napoli (İtaliya)
Sportinq Lissabon (Portuqaliya)
Olimpiakos (Yunanıstan)
Slaviya Praqa (Çexiya)
Bude-Qlimt (Norveç)
Marsel (Fransa)
4-cü səbət
Kopenhagen (Danimarka)
Monako (Fransa)
Qalatasaray (Türkiyə)
Union Berlin (Almaniya)
Qarabağ (Azərbaycan)
Atletik Bilbao (İspaniya)
Nyukasl (İngiltərə)
Pafos (Kipr)
Kayrat (Qazaxıstan)
Çempionlar Liqasında ilk turun oyunları sentyabrın 16-18-də keçiriləcək.
*
"Qarabağ"ın ilk rəqibi "Çelsi" olub. Bu komandalar arasında görüş Bakıda keçiriləcək.
*
"Qarabağ"ın növbəti rəqibi isə İngiltərənin digər təmsilçisi "Liverpul" olub. Ağdam klubu "Liverpul"la səfərdə oynayacaq.
*
"Qarabağ"ın üçüncü rəqibi "Benfika" olub. Qurban Qurbanovun komandası Portuqaliya təmsilçisi ilə də səfərdə qarşılaşacaq.
*
"Qarabağ"ın dördüncü rəqibi "Ayntraxt"dır. Almaniya təmsilçisi ilə matç Bakıda baş tutacaq.
*
"Qarabağ"ın növbəti rəqibi Niderlandın "Ayaks" klubdur. Bu görüş də Bakıda baş tutacaq.
*
"Qarabağ"ın digər rəqibi İtaliyanın "Napoli" klubdur. Komandalar arasında görüş İtaliyada keçiriləcək.
*
"Qarabağ"ın digər rəqibi İspaniyanın "Atletik" klubdur. Komandalar arasında görüş Bilbaoda keçiriləcək.
*
"Qarabağ"ın sonuncu rəqibi Danimarkanın "Kopenhagen" klubdur. Komandalar arasında görüş Bakıda baş tutacaq.
Sonxeber.az
Telegramda izləyin
Şikayətiniz varsa Whatsapp: 077 7125666
Facebookda Paylaş











6 gün Bakıya qar yağacaq - Tarixi bilindi
Bir kəndli həyətinə elə bir hovuz tikib ki, görənlər dəniz zənn edir - VİDEO
"Filmdə öpüşdüyüm adam doğma ərimdir"
3 gün leysan olacaq - Xəbərdarlıq
Qurban Qurbanov bu futbolçuları "Ayaks"a qarşı oynada bilməyəcək
Bugünkü qəzada həyatını itirən Zaurun - Fotoları
Yağıntılı hava şəraiti nə vaxtadək davam edəcək?
Güllələnmiş meyiti tapılan Nicat bu şəxsin oğlu imiş - Foto
Suraxanıda evdə partlayış: Bir nəfər ölüb, bir nəfər xəsarət alıb (VİDEO/YENİLƏNİB)
"Üç balam getdi, bu dərdə necə dözüm?.."
Sabah Bakı və Abşeronda leysan yağacaq
Bir ailənin 4 üzvü turşudan zəhərlənib? - Yenilənib
"Dünyanın ən gözəl aktrisaları" arasında tək türk qadın Hande Erçel oldu!
Tanınmış azərbaycanlı biznesmenin qəfil ölən qızının GÖRÜNTÜLƏRİ - VİDEO
"Deyirlər 150 sürətlə sürüb, ağır dərddir" - Video