İtkin düşən kişinin meyiti soyuducudan tapıldı

Türkiyədə iki dəfə evlənib boşanan, 2 uşaq atası 54 yaşlı Tekin Atılğandan 17 avqustdan bəri xəbər yox idi.

Sonxeber.az türk mediasına istinadən xəbər verir ki, polis araşdırma zamanı onun avtomobilini tərk edilmiş vəziyyətdə tapdı. Təhlükəsizlik kameralarının incələnməsi nəticəsində axtarış Niğdenin Altunhisar rayonu istiqamətində cəmləşdirildi.

Ərazidə yol kənarında qoyulmuş soyuducudan Tekin Atılğanın güllələnmiş meyiti tapıldı. Araşdırmada soyuducunu və avtomobili onunla eyni iş yerində çalışan Y.C.K.-nın istifadə etdiyi müəyyən edildi.

Şübhəli Y.C.K. gizləndiyi Kayseridə polis tərəfindən saxlanılaraq Aksaraya gətirildi. Hadisə ilə bağlı istintaq davam edir.

Telegramda izləyin