Cüdo Federasiyasında nə baş verir? - Tuncay Şamil ona edilən haqsızlıqdan DANIŞDI

Cüdo üzrə gənc oğlanlardan ibarət milli komandanın Avropa Kubokunda iştirak üçün Şimali Makedoniyaya səfəri ərəfəsində komanda üzvləri Tuncay Şamil və Aslan Kotsoyev arasında insident baş verib

Bu barədə Azərbaycan Cüdo Federasiyası açıqlama yayıb.

Açıqlamada bildirilib ki, hər iki idmançı yarışdan kənarlaşdırılıb və məsələ Federasiyanın Nizam-İntizam Komitəsində araşdırılıb.

Məsələ ilə bağlı Sonxeber.az-a müsahibə verən Tuncay Şamil Cüdo Federasiyasının yaydığı məlumatın yalan olduğunu bildirib:

"Mənə yumruqla vuran Aslan Kotsoyev olsa da ona heç bir cəza verməyib. Əksinə mənim iştirak etməli olduğum yarışa onu göndəriblər. Heç bir günahım olmasına baxmayaraq məni federasiyadan ömürlük uzaqlaşdırdılar. Görünür, mənim güclü və peşəkar olmağım kimləri isə natahat edib. Mənə haqsızlıqla bağlı Daxili İşlər Nazirliyinə və Gənclər və İdman Nazirliyinə də müraciət etmişəm. Əminəm ki, ədalət öz yerini tapacaq".

Tuncay Şamil məsələ ilə bağlı verdiyi video müsahibəni oxuculara təqdim edirik:

Telegramda izləyin