Günəşdə partlayış baş verdi: 8 sentyabrda maqnit qasırğası olacaq

8 sentyabr, bazar ertəsi günü Günəşdəki partlayış nəticəsində yaranan maqnit qasırğası davam edəcək, lakin getdikcə zəifləyəcək.

Qaynarinfo xəbər verir ki, Britaniya Geoloji Xidmətinin məlumatına görə, 4 sentyabrda Günəşdə koronal kütlə atılması baş verib. Onun sürətli zərbəsi 7 sentyabr səhəri müşahidə olunub və nəticədə geomaqnit aktivliyi G2 səviyyəsinə qədər yüksəlib.

Bugünkü proqnozlara əsasən, maqnit qasırğası davam edəcək, lakin daha zəif olacaq – G1 səviyyəsində.

Maqnit qasırğaları beşballıq şkala ilə qiymətləndirilir: G1 (zəif) səviyyəsindən başlayaraq G5 (ekstremal) səviyyəsinə qədər. G1 səviyyəli qasırğalar ən yüngül geomaqnit pozuntularıdır. Onlar kifayət qədər tez-tez – ildə onlarla dəfə baş verir və Yer üçün ciddi təhlükə yaratmır. Lakin meteohəssas insanlar orqanizmdə müəyyən təsirlərini hiss edə bilərlər.

Belə hallarda təsirləri minimuma endirmək üçün tövsiyə olunur:
•düzgün gündəlik rejimi qorumaq, kifayət qədər yatmaq və istirahət etmək;
•bol su içmək, kofein və alkoqol qəbulunu azaltmaq;
•emosional yüklənməni azaltmaq, xüsusilə xroniki xəstəlikləri olan insanlara;
•daha çox açıq havada olmaq;

•təzyiq problemi olan şəxslərin isə həkimlə əvvəlcədən məsləhətləşməsi və lazım gəldikdə müalicəni tənzimləməsi.

Beləliklə, G1 səviyyəli maqnit qasırğalarını təhlükəli adlandırmaq olmaz, amma həssas insanlara onların təsirini nəzərə almaq və sadə profilaktik qaydalara riayət etmək məsləhətdir.

Telegramda izləyin