Narkotik təsiri altında olan qadın polisə bıçaqla hücum etdi

İstanbulun Avcılar rayonunda baş verən hadisə böyük təşvişə səbəb olub.

Sonxeber.az türk mediasına istinadən xəbər verir ki, hadisə Cihangir qəsəbəsində, Sandal küçəsində baş verib. Maddə təsiri altında olduğu iddia edilən bir qadın özünə bıçaqla xəsarət yetirməyə başlayıb.

Hadisə şahidlərinin çağırışı ilə əraziyə polis və təcili tibbi yardım əməkdaşları cəlb olunub. Qadını sakitləşdirmək üçün edilən bütün cəhdlər nəticəsiz qalıb. O, gözlənilmədən polislərə hücum edib.

Saxlanılan zaman polisə bıçaqla hücum edən qadın, ayağından vurularaq zərərsizləşdirilib. Yaralı qadına ilkin tibbi yardım hadisə yerində göstərilib, daha sonra müalicə üçün xəstəxanaya aparılıb.

Faktla bağlı araşdırmalara başlanılıb.

Telegramda izləyin