Paşinyan Zəngəzur dəhlizinin önəmindən danışdı

Ermənistanın Baş naziri Nikol Paşinyan "Tramp marşrutu"nun (Zəngəzur dəhlizi) əhəmiyyətini şərh edib.

Milli.Az "news.am"a istinadən xəbər verir ki, Paşinyan bu barədə İrəvanda keçirilən "Hərtərəfli təhlükəsizlik və dayanıqlılıq - 2025" adlı beynəlxalq konfransda danışıb.

"Gəlin Ermənistan ərazisindən keçən boru kəməri təsəvvür edək. Onun hara getdiyi əhəmiyyət daşımır. Bu, Ermənistanla Azərbaycan arasında sülh amilidirmi? Əlbəttə ki, bu, amildir. Bu amilin olmaması isə problem yaradır. Müvafiq olaraq, "Tramp marşrutu" bu cür amillərdən biridir. Bəs təhlükəsizlik zəmanəti varmı? Bəli, belə bir zəmanət var və bu, sülhdür. Sülhdən başqa digər heç bir təhlükəsizlik zəmanəti ola bilməz. Lakin sülh gündəlik diqqət tələb edir, ona etinasızlıqla yanaşmaq olmaz", - Paşinyan bildirib.

Telegramda izləyin