"Xocalı kimi tarixi faciənin intiqamı bu günlə simvolik məna qazandı və milli yaddaşda əbədi yer tutdu" - AÇIQLAMA

"20 Sentyabr 2023-cü ildə Azərbaycan Silahlı Qüvvələrinin Xankəndi, Xocalı, Xocavənd və Ağdərə şəhərlərini azad etməsi ölkə tarixində yeni bir dövrün başlanğıcı oldu. Bu hadisə, İkinci Qarabağ Müharibəsinin məntiqi nəticəsi kimi 30 ildən artıq davam edən işğalın sonunu gətirdi. Zəfər Azərbaycanın suverenliyini beynəlxalq hüquq çərçivəsində müdafiə etmək qabiliyyətini nümayiş etdirdi".

Bu sözləri Sonxeber.az-a politoloq Tural İsmayılov danışıb.

O, açıqlamasında qeyd edib ki, Ermənistanın separatçı rejimə dəstəyi beynəlxalq ictimaiyyətin dəstəyini itirməsinə səbəb oldu, bu da Azərbaycanın diplomatik üstünlüyünü gücləndirdi:

"Xocalı kimi tarixi faciənin intiqamı bu günlə simvolik məna qazandı və milli yaddaşda əbədi yer tutdu. Xankəndinin azad edilməsi sülh və sabitliyin yolunu açdı. Xocavənd və Ağdərə kimi rayonların geri qaytarılması infrastrukturun yenidən qurulması üçün əsas yaradıdı və iqtisadi bərpa prosesini sürətləndirdi. Bu zəfər Azərbaycanın hərbi strategiyasının effektivliyini sübut etdi, həmçinin regionda yeni təhlükəsizlik memarlığını formalaşdırdı. Beynəlxalq arenada Ermənistanın təcridini dərinləşdirdi və Azərbaycanın regional liderliyini təsdiqlədi. Zəfərin mahiyyəti sadəcə ərazilərin geri qaytarılması deyil, həm də milli birliyin və dövlət iradəsinin qüvvəsində əldə olunan ədalətdir. 20 sentyabr gələcək nəsillər üçün vətənpərvərlik dərslərinin mənbəyi kimi qalacaq. Bu gün Qarabağın tam inteqrasiyasını simvollaşdıraraq Azərbaycanın ümumi inkişafına töhfə verəcək. Hadisə regionda sülh proseslərini yenidən təşkil etmək potensialını daşıyır. 20 Sentyabr Azərbaycan xalqının qəhrəmanlığının ən parlaq ifadəsidir, zəfərin həqiqi mənasını açır".

Vüsalə İbrahimli

Telegramda izləyin