Müəllimlərin NƏZƏRİNƏ: Əməkhaqqı artımı üçün həlledici mərhələ başlayır

Müəllimlərin sertifikatlaşdırılması prosesinin növbəti müsahibə mərhələsinin keçiriləcəyi tarix və məkan barədə məlumatlar şəxsi kabinetlərə göndərilib.

Sonxeber.az xəbər verir ki, bu barədə Təhsil İnstitutunun nəzdində fəaliyyət göstərən İnsan Resursları Mərkəzi məlumat yayıb.

Bildirilib ki, müəllimlər portal.edu.az platformasında yerləşən "Sertifikatlaşdırma" bölməsinə daxil olaraq müsahibə ilə bağlı məlumatlarla tanış ola bilərlər.

Qeyd olunub ki, müsahibə mərhələsinə dair məlumatlar müəllimlərin şəxsi kabinetlərinə hissə-hissə göndərilir.

Xatırladaq ki, test imtahanında keçid balını toplayan müəllimlərin əməkhaqqına 10 %, 51 və daha çox bal toplayanların əməkhaqqına isə 35 % əlavə ediləcək. Bu əlavələr yalnız müsahibə mərhələsində də uğur qazanan müəllimlərə şamil olunacaq.

Telegramda izləyin