"Qohum evliliklərinin qarşısını almaq üçün yalnız hüquqi deyil, sosial tədbirlər də gücləndirilməlidir" - AÇIQLAMA

Bu il ölkəmizdə qohum evliliklərinin ləğvi tətbiq edilib.

Sonxeber.az xəbər verir ki, bəzi ailələr bu qaydaya məhəl qoymayaraq, belə evliliklərin olmasına şərait yaradırlar.

Onlar bunun üçün valideynlik hüququndan rəsmi olaraq imtina edərək, belə evliliklərin olmasına yol açırlar.

Sosioloqlar hesab edirlər ki, qohum evliliklərinin ləğvi ilə bağlı qanuni mexanizmlər tətbiq olunsa da, bəzi ailələrin bu qaydaya məhəl qoymaması problemin davam etməsinə səbəb olur.

Sosioloqlar qeyd edir ki, valideynlərin rəsmi olaraq övladlıq hüququndan imtina etməsi və bununla da evliliyə "yol açması" həm hüquqi boşluq, həm də sosial məsuliyyət çatışmazlığıdır:
"Valideynlik hüququndan imtina etməklə qanunun ətrafından dolanmaq mümkün olsa da, bioloji yaxınlıq davam etdiyi üçün belə evliliklər hər halda risklidir. Burada təkcə hüquqi məhdudiyyətlər deyil, həm də maarifləndirmə işləri ön planda olmalıdır. İnsanlara bunun genetik və psixoloji nəticələri aydın şəkildə izah edilməlidir."

Ekspertlər həmçinin əlavə edir ki, qohum evliliklərinin qarşısını almaq üçün təkcə qadağa deyil, ictimai maarifləndirmə, ailələrdə məsuliyyət hissinin artırılması və sosial nəzarət mexanizmləri də vacibdir.

Telegramda izləyin