"Bir ana övladına belə zarafat edərmi?" - VİDEO

Sosial mediada yayılan bir video izləyicilər arasında böyük etirazlara səbəb olub.

Sonxeber.az türk mediasına istinadən xəbər verir ki, görüntülərdə oyun oynayan kiçik bir uşağa anası tərəfindən edilən zarafat əks olunub və qısa müddətdə gündəmə çevrilib.

Videoda ana oğluna deyir: "Sənə bir şey deyim? Üzülməyəcəksən, amma… Biz səni övladlıq götürmüşük, həqiqi anan səni istəyir". Uşaq isə bu sözlər qarşısında göz yaşlarına boğulub.

İzləyicilər videoya şərhlərində narazılıqlarını bildiriblər: "Bir ana övladına belə zarafat edərmi?", "Sosial mediada izlənmə uğrunda uşaqların psixologiyası ilə oynayırlar".

Ekspertlər isə uşaqların psixoloji sağlamlığına zərər verə biləcək belə hərəkətlərin düzgün olmadığını vurğulayırlar.

Telegramda izləyin