Əfqanıstanda internet tamamilə kəsildi

Talibanın hakimiyyətdə olduğu Əfqanıstanda ölkə üzrə internet tamamilə kəsilib.

Sonxeber.az xəbər verir ki, ölkədə internetin dayandırılması ilə yanaşı, telefon xətlərində də ciddi problemlərin yarandığı bildirilir.

Məlumata görə, Taliban qadağalarına bir yenisini əlavə edib. Təşkilatın sözçüsü qadağanın lider Heybətullah Axundzadənin əmri ilə və "ictimai əxlaqsızlığın qarşısını almaq" məqsədilə əvvəlcə bəzi əyalətlərdə tətbiq edildiyini açıqlayıb. Lakin Netblocks məlumatlarına əsasən, kəsinti bütün ölkəyə yayılıb.

Mütəxəssislər internetin bağlanmasının informasiya axınını, iş dünyasını və təhsili tamamilə iflic edəcəyini bildirirlər.

Beynəlxalq Valyuta Fondunun sabiq müşaviri Ömər Farhadi isə bu qərarın "Əfqan xalqını çıxışsız vəziyyətə sürüklədiyi" xəbərdarlığını edib.

Telegramda izləyin