Zərgər insanları aldadıb qaçdı, aldadılan vətəndaşlar qızıl vitrininə hücum etdi - ŞOK HADİSƏ

İstanbulun Bahçelievler rayonunda inanılmaz hadisə baş verib.

Sonxeber.az türk mediasına istinadən xəbər verir ki, Umut U. adlı zərgər ətrafındakı müştərilərdən və tanışlardan "investisiya məqsədilə" topladığı qızıllar yoxa çıxıb.

Müştərilər zərgəri tapa bilmədikləri üçün dükana gəlib, qapıların bağlı olduğunu görərək dələduzluğa məruz qaldıqlarını anlayıblar. Bir müddət sonra əsəbiləşən insanlar dükanın qıfılını qıraraq içəri daxil olub və vitrindəki bilərzikləri götürməyə çalışıblar. Lakin qızılların saxta – imitasiya olduğu üzə çıxıb.

Hadisə ilə bağlı polis əməkdaşları əraziyə cəlb olunub və şikayətləri qəbul edib. Məsələ ilə bağlı araşdırma başladılıb.

Müştərilərdən Türkan Sadık, 250 qram qızılını zərgərə verdiyini bildirərək belə deyib:

"Qızıllarımızı aldı, yoxa çıxdı. Dünəndən bəri onu tapa bilmirik. Hazırda eyni vəziyyətdə olduğumuz 100-dən çox insan var. Hər kəsin pulunu və qızılını götürüb qaçıb."

Başqa bir vətəndaş Faruk Yalman isə 106 min TL verdiyini, üç bilərzik almaq istədiyini, amma zərgərin pulu və qızılları toplayaraq yoxa çıxdığını bildirib:

Hadisə ilə bağlı araşdırma davam etdirilir.

Telegramda izləyin