Narin cinayəti ilə bağlı həbs edilən 3 nəfər sərbəst buraxıldı

Ötən ilin yayında Türkiyənin Diyarbəkir vilayətində xüsusi amansızlıqla qətlə yetirilən səkkiz yaşlı Narin Güran cinayəti ilə bağlı həbs edilən 3 nəfər azadlığa buraxılıb.

"Qafqazinfo" Türkiyə KİV-ə istinadən xəbər verir ki, məlumata görə, bu haqda Diyarbəkir Məhkəməsi qərar çıxarıb.

"Cinayəti ört-basdır etmə" ittihamı üzrə azadlıqdan məhrumetmə şəklində mühakimə olunan dayısı uşağı Birsen Güran, digər əmisi Fuat Güran və onun arvadı Maşallah Güran sərbəst buraxılıb.

Xatırladaq ki, ötən ilin avqustunda Quran kursuna getdikdən sonra yoxa çıxan Narinin cəsədi itkin elanı verildikdən 19 gün sonra Eğertutmaz dərəsində çay yatağında, üstü daş və kol-kosla örtülmüş çuval içində tapılmışdı.

Ekspertiza uşağın ağız-burnunun qapadılması və boynuna təzyiq edilərək sıxılması nəticəsində oksigen çatışmazlığından dünyasını dəyişdiyini müəyyən edib.

İstintaq nəticəsində cinayətin uşağın anası Yüksel Güran, qardaşı Enes Güran, avtomobilində Narinə aid DNT və tük nümunəsi tapılan əmisi Salim Güran tərəfindən törədildiyi məlum olub. Onlara və cəsədi çay yatağına daşıdığını etiraf edən qonşuları Nevzat Bahtiyara qarşı "mütəşəkkil cinayət törətmək" ittihamı ilə cinayət işi açılıb.

Məhkəmənin hökmü ilə mərhumun anası Yüksel, böyük qardaşı Enes, əmisi Səlim Güran və Nevzat Bəxtiyar "Uşağın qəsdən öldürülməsində iştirak" ittihamı ilə ömürlük həbs ediliblər.

Telegramda izləyin