İran yüzminlərlə əfqan qaçqını Türkiyəyə göndərə bilər

İran qərb sərhədlərində yüzminlərlə əfqan qaçqını azad edərək İraq və Türkiyəyə göndərməyi nəzərdən keçirir.

Oxu.Az xəbər verir ki, bu barədə "Azad İran" məlumat yayıb.

Məlumata görə, bu addım İranın nüvə obyektlərinə hücumdan sonra Tehranın həyata keçirdiyi daha aqressiv strategiyanın bir hissəsi hesab olunur.

Bildirilir ki, İran raket proqramını genişləndirmək, hava hücumundan müdafiəni gücləndirmək, bərpa edilmiş sanksiyalara nəzarəti təmin etmək üçün BMT komitəsinin yaradılmasının qarşısını almağı planlaşdırır.

Xatırladaq ki, İran vaxtilə 6 milyon əfqan qaçqını qəbul edib, lakin 2025-ci ildən sonra onların müvəqqəti yaşamaq icazələri ləğv edilib və bir milyondan çox qaçqın Əfqanıstana qaytarılıb.

Telegramda izləyin