Bəy və gəlin fərqli ölkələrdə eyni anda nişanlandı

Türkiyədə, Şanlıurfanın Suruç rayonunda qeyri-adi nişan mərasimi keçirilib.

Sonxeber.az türk mediasına istinadən xəbər verir ki, Suriya vətəndaşı Abdullah Hafız Suruçda, gəlin Siya Egit İsa isə Kobani (Suriya) şəhərində eyni anda nişanlanıb.

Bəy Suruçda ailəsi və yaxınları ilə ənənəvi mərasim təşkil edib, gəlin isə Suriya tərəfdə sadə mərasim keçirib. Gəlinin yerinə simvolik olaraq bəyin yaxın qohumu oturub və xatirə şəkilləri çəkilib.

Törən iştirakçılarından biri bildirib ki, bu mərasim barış prosesinə bağlı olaraq reallaşıb və ümid edirlər ki, hər iki tərəf öz torpaqlarında ailə birliyini quracaq.

Telegramda izləyin