"Bu cür yüksək səviyyəli görüşlər iki ölkə arasında siyasi, iqtisadi və mədəni əməkdaşlığın dərinləşməsin töhfə verir" - DEPUTAT

"Oktyabrın 10-da Düşənbədə Azərbaycan Respublikasının Prezidenti İlham Əliyev və Tacikistan Respublikasının Prezidenti Emoməli Rəhmon arasında baş tutan təkbətək görüş Azərbaycan-Tacikistan münasibətləri baxımından mühüm əhəmiyyət kəsb edir. Bu cür yüksək səviyyəli görüşlər iki ölkə arasında siyasi, iqtisadi və mədəni əməkdaşlığın dərinləşməsinə, həmçinin strateji tərəfdaşlığın gücləndirilməsinə töhfə verir".

Bu sözləri Sonxeber.az-a Milli Məclisin deputatı Pərvanə Vəliyeva danışıb.

O, açıqlamasında qeyd edib ki, görüş iki lider arasında etimadın daha da artmasına və siyasi dialoqun intensivləşməsinə şərait yaradır:

"Tacikistan və Azərbaycan arasında MDB və digər beynəlxalq təşkilatlar çərçivəsində əməkdaşlığın dərinləşməsi üçün bu görüşün böyük rolu ola bilər. Bundan başqa, Liderlərin təkbətək görüşü iqtisadi əlaqələrin inkişafı üçün konkret təşəbbüslərin irəli sürülməsi baxımından vacibdir.
Siyasi sahədə Azərbaycan və Tacikistan arasında münasibətlər yüksək səviyyəli qarşılıqlı səfərlər və görüşlər vasitəsilə möhkəmləndirilmişdir. Prezident İlham Əliyev və Prezident Emoməli Rəhmon arasında keçirilən görüşlər, xüsusilə dövlət səfərləri zamanı imzalanan sənədlər əməkdaşlığın hüquqi bazasını gücləndirmiş və strateji tərəfdaşlığa doğru mühüm addımlar atılmışdır. Tərəflər BMT, MDB, İƏT və digər beynəlxalq təşkilatlar çərçivəsində bir-birini dəstəkləməyə çalışırlar".

Deputat onu da vurğuladı ki, Azərbaycan və Tacikistan arasında iqtisadi əlaqələrin inkişafı üçün geniş potensial mövcuddur:

"İki ölkə arasında ticarət dövriyyəsi nisbətən az olsa da, enerji, nəqliyyat, kənd təsərrüfatı, tekstil və tikinti kimi sahələrdə əməkdaşlıq imkanları artır.
Azərbaycanın nəqliyyat-tranzit imkanları ilə Tacikistanın Orta Asiyadakı mövqeyi arasında körpü rolunu oynayan yeni logistik layihələr, eləcə də sənaye, energetika, kənd təsərrüfatı və informasiya texnologiyaları sahələrində əməkdaşlığın daha da genişlənməsi hər iki olkə üçün olduqca uğurlu addımlarla nəticələnə bilər.
Düşənbədə keçirilən bu görüş Azərbaycan-Tacikistan münasibətlərinə yeni dinamizm qazandıran siyasi və iqtisadi əməkdaşlıqda keyfiyyətcə yeni mərhələnin başlanğıcıdır. Bu görüş həm də Mərkəzi Asiya-Cənubi Qafqaz regionu arasında inteqrasiyanı təşviq edən əhəmiyyətli diplomatik addımlardan biri kimi qiymətləndirməlidir".

Vüsalə İbrahimli

Telegramda izləyin