Fermerin balqabaq sevinci: "Balqabaqlarım necə də böyüyüb, maşallah!"

Türkiyədə yaşayan fermer Yurdağül Çavdar, bağındakı balqabaqları yığarkən ikisinin 40 kiloqrama çatdığını görəndə sevincini gizlədə bilməyib.

Sonxeber.az türk mediasına istinadən xəbər verir ki, meyvə bağının bir hissəsində şəxsi istehlak üçün lobya, bibər, pomidor və balqabaq yetişdirən Çavdar, soyuqlar başlamazdan əvvəl məhsulunu toplamaq üçün bağa gedib və yarpaqları qaldırdığında isə iri balqabaqları görüb, sevincindən onlara əlilə toxunub və danışaraq hal-əhval tutub.

Fermer deyib: "Balqabaqlarım necə də böyüyüb, maşallah! Otların arasında gizləniblər. Nəvəm boydadılar". O, bu qədər böyümələrinin səbəbini damcı suvarma və təbii heyvan gübrəsi ilə izah edib: "Heyvan gübrəsinin yerini heç bir kimyəvi gübrə tutmaz. Həm də yerini çox sevdilər, ona görə bu qədər böyüdülər".

Çavdar, iri balqabaqları bıçaqla birbaşa bölməyin çətin olduğunu, əvvəlcə testərə ilə kəsəcəklərini, sonra isə daha kiçik parçalara ayıracaqlarını bildirib.

İçərisində A, C və E vitaminləri olan balqabaq, bağırsaq və ürək sağlamlığını dəstəkləyir, immuniteti gücləndirir və xərçəng riskini azaldır. Qış aylarının sevimli məhsulu olan balqabaq, yüksək qida dəyəri sayəsində sağlamlıq üçün bir çox fayda təmin edir.

Telegramda izləyin