Böyük ağacın altında qalmaqdan son anda xilas oldular - VİDEO

Amerikada bir cütlük və iti, böyük bir ağacın altında qalmaqdan son anda xilas oldular.

Sonxeber.az xarici mediaya istinadən xəbər verir ki, görüntülərdə cütlük və iti sakit şəkildə çəmənlikdə gəzərkən, yanında dayanan böyük ağacın qəfildən aşdığı görünür. Ağac bir anda onların üzərinə doğru düşüb.

Qadın panik içində "Aman Tanrım!" deyə qışqırır. Ağacın bir budağı qadının dərhal arxasına, digəri isə üzünün bir neçə santimetr önünə düşür. Qadın iki böyük budaq arasında qalmasına baxmayaraq, möcüzəvi şəkildə xəsarət almadan xilas olur. Cütlüyün iti isə ağacın digər tərəfində gəzdiyi üçün zərər görmür.

Görüntülərdə kişi də böyük ağacı görərək son anda əyilib xilas olur və hadisədən sonra "Az qalsın ölürdük!" deyir. Ağacın niyə qəfildən aşdığı və hadisənin ABŞ-ın hansı bölgəsində baş verdiyi hələ məlum deyil.

Nəticə etibarilə, bu şok edici hadisədə heç kim xəsarət almayıb.

Telegramda izləyin