Ana və körpəsi qazdan zəhərlənərək öldü

Aksarayda baş verən faciəvi hadisə nəticəsində 21 yaşlı ana və onun 1,5 yaşlı oğlu karbonmonoksit qazından zəhərlənərək həyatını itirib.

Sonxeber.az türk mediasına istinadən xəbər verir ki, hadisə gecə saatlarında şəhərin Fatih məhəlləsində, Şile Apartmanının birinci mərtəbəsində yerləşən mənzildə qeydə alınıb. Məlumata görə, Meryem Ölmez adlı gənc qadından xəbər ala bilməyən yaxınları onun evinə gedib və orada Meryem Ölmezi (21) və 1,5 yaşlı oğlu Halil İbrahim Ölmezi huşsuz vəziyyətdə tapıblar.

Hadisə barədə dərhal 112 Təcili Yardım Mərkəzinə məlumat verilib. Əraziyə polis və təcili tibbi yardım əməkdaşları cəlb olunub. Ana və oğlu xəstəxanaya aparılsa da, həkimlərin bütün cəhdlərinə baxmayaraq, onların həyatını xilas etmək mümkün olmayıb.

Aksaray Polis İdarəsinin Əsasən Cinayət Axtarışı və Hadisə Yeri Araşdırma şöbələrinin apardığı ilkin araşdırmalara görə, ana və oğul karbonmonoksit qazından zəhərlənərək ölüb. Meyitlər ekspertiza üçün morqa aparılıb.

Aksaray Respublika Prokurorluğu hadisə ilə bağlı araşdırmaya başlayıb.

Telegramda izləyin