Məşhur reper toyda öz mahnısının çalındığını eşidəndə balkona çıxıb rəqs etdi - VİDEO

Türkiyəli məşhur reper Sefo, istirahət etdiyi oteldə maraqlı və əyləncəli anlara səbəb olub.

Sonxeber.az türk mediasına istinadən xəbər verir ki, hoteldə keçirilən bir toy mərasimində Demet Akalınla birlikdə ifa etdiyi məşhur "Yerinde Dur" mahnısının səsləndiyini eşidən sənətçi hamam xalatını geyinərək otağının eyvanına çıxıb.

Mahnıya gülərüzlə qoşulan Sefo, həm toy iştirakçılarının, həm də sosial media izləyicilərinin diqqət mərkəzinə çevrilib.

Görənlərin heyrətinə səbəb olan bu anlar telefon kameralarına çəkilib. Toydakı qonaqlar qarşılarında Sefonu görəndə təəccüblərini gizlədə bilməyiblər.

Reperin xalatla eyvandan mahnısına qoşulduğu görüntülər qısa müddətdə sosial mediada minlərlə bəyənmə və şərh toplayıb.

Telegramda izləyin