59 yaşlı kişi 13 yaşlı uşağı güllələyib, sonra intihar etdi - VİDEO

Türkiyənin Mersin vilayətinin Tarsus rayonunda baş verən qanlı hadisə ictimaiyyətdə böyük sarsıntı yaradıb.

Sonxeber.az türk mediasına istinadən xəbər verir ki, 59 yaşlı Yasin Ataş, ov tüfəngi ilə 13 yaşlı uşağı güllələyib, daha sonra özünə atəş açaraq intihar edib. Hadisə zamanı uşağın əmiuşağı yaralanıb.

Hadisə rayon mərkəzindən 25 kilometr uzaqlıqda yerləşən Sarıveli məhəlləsində baş verib. İddiaya görə, Yasin Ataş avtomobilini park edərək əlində ov tüfəngi ilə küçəyə çıxıb. Bu vaxt 33 BBZ 280 dövlət nömrə nişanlı avtomobillə çörək almağa gələn 13 yaşlı Emir Ali (E.A) və onun əmisi oğlu 20 yaşlı Mustafa Aktaş avtomobildə olduqları anda onlara atəş açılıb.

Daha sonra Yasin Ataş öz avtomobilini yandırıb və eyni silahla özünü vuraraq intihar edib. Hadisəni görənlər dərhal polisə və təcili yardıma məlumat veriblər.

Hadisə yerinə gələn sağlamlıq və jandarma qrupları 13 yaşlı Emir Alinin və hadisənin şübhəlisi Ataşın həyatını itirdiyini müəyyən ediblər. Yaralı Mustafa Aktaş isə Tarsus Dövlət Xəstəxanasına aparılıb.

Hadisə ilə bağlı istintaq və araşdırma işləri davam etdirilir.

Telegramda izləyin