Kişi evinə çağırdığı dostunu qılıncla girov götürdü - VİDEO

Türkiyənin Çorum şəhərində 40 yaşlı B.Ö., dostu S.K.-ni qılıncla girov götürüb.

Sonxeber.az türk mediasına istinadən xəbər verir ki, hadisə Tekceviz 6-cı küçəsindəki mənzildə baş verib.

Məlumata görə, B.Ö. dostunu "danışmaq" bəhanəsi ilə evinə çağırıb. Lakin görüş zamanı o, əlindəki qılıncla S.K.-ni girov götürərək, aralarında ədavət olan S.K.-nin əmisi oğlu gəlmədiyi halda onu öldürəcəyi ilə hədələyib.

S.K. telefonla əmisi oğluna xəbər verdikdən sonra hadisə barədə polisə məlumat verilib. Əraziyə polis, təcili yardım və yanğınsöndürən qruplar cəlb olunub, evin ətrafında geniş təhlükəsizlik tədbirləri görülüb.

Polis şübhəlini təslim olmağa razı salmağa çalışsa da, B.Ö. razı olmayıb və girovla arasında qarşıdurma yaşanıb. Bu zaman polis əməkdaşları balkondan evə daxil olaraq bibər qazı tətbiq edib və şübhəlini zərərsizləşdiriblər.

Təxminən 2 saat davam edən əməliyyat uğurla başa çatıb, B.Ö. saxlanılaraq polis bölməsinə aparılıb.

Hadisə ilə bağlı istintaq davam edir.

Telegramda izləyin