Burcu Biricik qızı Luna ilə görüntüləndi: Ana-qız oxşarlığı təəccübləndirdi

Məşhur aktrisa Burcu Biricik ötən gün bir yaşlı qızı Luna ilə birlikdə İstanbulun Etilər səmtində görüntülənib.

Sonxeber.az türk mediasına istinadən xəbər verir ki, gülərüzlü və səmimi halları ilə diqqət çəkən ana və qız, bir-birilərinə olan təəccüblü bənzərlikləri ilə ətrafdakıları heyran qoyub.

Son olaraq Kanal D-də yayımlanan və böyük maraqla izlənən "Camdaki Kız" serialında Nalan obrazına həyat verən Burcu Biricik, bu rolu ilə tamaşaçılardan tam qiymət almış və uzun müddət adından söz etdirmişdi. Uğurlu layihədən sonra qısa fasilə verən aktrisa, vaxtını ailəsinə və qızına ayırmağa qərar verib.

2016-cı ildə fotoqraf Emre Yetkin ilə ailə həyatı quran Biricik, ötən ilin iyul ayında Luna adlı qızını dünyaya gətirərək ilk dəfə ana olma sevincini yaşayıb. Hal-hazırda ekranlardan uzaq, sadə və sakit bir həyat tərzi sürən aktrisa, qızı ilə keçirdiyi vaxtı həyatının prioritetinə çevirib.

Etilərdə kameralara səmimi halları ilə tuş gələn Burcu Biricik və balaca Luna, sosial mediada "ana-qız surəti" şərhləri ilə gündəmə düşüblər.

Telegramda izləyin