Öz mahnısını eşidən Sefo hamam xalatı ilə balkona çıxdı - VİDEO

"Yerinde Dur" adlı hit mahnısı ilə yaya damğasını vuran məşhur türkiyəli reper Sefo, qaldığı oteldə yaşanan maraqlı hadisə ilə gündəmə gəlib.

Sonxeber.az türk mediasına istinadən xəbər verir ki, oteldə keçirilən bir toy mərasimində səs sistemindən öz mahnısını eşidən sənətçi, həyəcanına hakim ola bilməyib və üzərini dəyişmədən, yalnız hamam xalatı ilə otağının balkonuna çıxaraq qonaqlara gözlənilməz sürpriz edib.

Toy məkanına baxan balkonda bir anda görünən Sefo, "Yerinde Dur" sədaları altında gülümsəyərək musiqiyə ritm tutub. Reperi qarşılarında görən qonaqlar ilk anda təəccüblənsələr də, həmin əyləncəli anları mobil telefonları ilə çəkərək yaddaşlara həkk ediblər.

Səmimi və təbii görüntüləri ilə sosial şəbəkələrdə sürətlə yayılan bu anlar, izləyicilər tərəfindən "ən orijinal sürpriz" kimi dəyərləndirilib. Sefo isə özünəməxsus üslubu ilə yenidən gündəmə gəlməyi bacarıb.

Telegramda izləyin