70 yaşll kişi buğanın hücumuna məruz qaldı, həyatını itirdi

Nevşehirdə saxladığı buğanın hücumuna məruz qalan yaşlı kişi xəstəxanada həyatını itirib.

Sonxeber.az türk mediasına istinadən xəbər verir ki, hadisə Derinkuyu rayonuna bağlı Yazıhöyük qəsəbəsində baş verib. Məlumata görə, açıq havada heyvandarlıqla məşğul olan 70 yaşlı Ümmet K. heyvanlarını yemlədiyi vaxt buğanın hücumuna məruz qalıb. Buğa onu dəmir barmaqlıqlara sıxışdıraraq ağır yaralayıb. Hadisəni görən yaxınları dərhal 112 Təcili Yardım Mərkəzinə məlumat veriblər. Tibb işçiləri tərəfindən hadisə yerində ilkin tibbi yardım göstərildikdən sonra yaralı ambulansla Nevşehir Dövlət Xəstəxanasına aparılıb.

Lakin həkimlərin bütün cəhdlərinə baxmayaraq, Ümmet K. iki günlük həyat mübarizəsini itirib. Hadisə ilə bağlı jandarma tərəfindən araşdırma aparılır.

Telegramda izləyin